2015/11/25
93
Armak, sokak, piramideak,
aldapak, harriak, kateak,
tronuak, makilak, albisteak,
oroitzapenak soilik izango al dira inoiz?
2015/10/21
IPARRALDETIK
Sarreran ahaztutako aterkia ikustean
errotik atera zitzaizkidan arratsalde hartako irribarre guztiak.
Iparraldetik etorri zinen
eta nik hatzaparrekin kristala kolpatzen jarraitzen dut
2015/09/12
ZUHURRA DEN DISTANTZIA
Zure besoak begiratzen ditut
begiak itxi aurretik
eta bitartean aberri bat zutenak zirrikitu bila
airezko harresi zurrunetan
aberri berrien bila
zuhurra den distantzia batetik begiratzen diet
eta ilea kizkurragoa izatea nahiko nuke
halakotan
2015/07/29
NAHASTEN
Ispilu aurrean lausotua nago
eta armairuan behin eta berriz
galtzen naiz
Atrezzoa zer den
eta zer ez den nahasten zaidanean
behin eta berriz
galtzen naiz
2015/06/28
JE NE SUIS PAS
Terrorismoa zer ote den
galdetu Ciudad Juarezen edo
zure bizilagunari
Je suis Nagore diote batzuk
eta orduan
nor naizen ere ez dakit
banituen mugak zirriborratzen zaizkit
izu gehiago sentitu daiteke?
Arkatzak, kristalak eta telebistako albiste gehiago
galdetu Ciudad Juarezen edo
zure bizilagunari
Je suis Nagore diote batzuk
eta orduan
nor naizen ere ez dakit
banituen mugak zirriborratzen zaizkit
izu gehiago sentitu daiteke?
Arkatzak, kristalak eta telebistako albiste gehiago
2015/04/30
ZENBAT SEGUNDU
Haizea bezalako zerbait nabari da hemendik
begiak itxita haizea bera dela esango nuke
baina urrunegi gaude eta,
horrek zenbatzera narama
zenbat segunduk banatzen gaitu?
makurturiko zenbat lepok?
zenbat eskumutur bizkerrean lotuta?
Nire eskuetako hatzamarrak gutxiegi dira
laztantzen gaituen haizeak giltzapetu nauela ohartzen naiz
Baina orduan ametsetan egiten didazu bisita
gutxiegi espero dudanean,
maitasuna hori bera omen da
ezer esateko ez bada ere gertu gaudela sentitzea
Itxaroten izango gaituzu
mendi tontor, zulo ilun eta itsaso zabal guztietan
eskuburdinak erraietako beroarekin urtuko ditugu
besoak haizerakin nahastuz
Eta inoiz joan ez bazina bezala izango da
Ederrago agian
2015/04/13
DESIRA EZINA
Barruko arroparen tiradera irekitzerakoan
harez beteta zegoela ikusi nuen
iraileko hondartzak bezela, epel
milaka harezko erlojuren isuriak
ezer ez aurkitzera kondenatu ninduten
eta biluzik ibiltzea erabaki nuen
biluzik eta esku hutsik
krimena egina zegoen jadanik
desiratu ezin desiratu nuen
emakume lizunen bekatuak
2015/03/18
HERRIMINA
Krisalida utzi behar izan nuen
zapore gabeko sagarrak irensteaz aspertuta
Eva-ren ondorengoen mirabe indargeak
fruta debekatuaren herrimina
krisalida utzi nuen
hark ni ito baino lehenago
2015/02/18
BESTE BEHIN
beste behin
pizti naiz, piztu naiz
nire oinotsen bolumena igoko dut
banatorrela ongi entzun dezazun
euriz eta beste zerbaitez
aurpegia bustitzen zaidan bitartean
basati sentitzen naiz
moztu berri dudan ilearen puntetaraino
pizti naiz, piztu naiz
beste behin
haizeak orain ekartzen ditu
noizbait eraman zituen hitzak
entzun ondo nire oinotsek diotena
ez nator gelditzeko
2015/01/19
GELDTIZEN DENA
Jadanik zaila egiten zait
atrezzoa dena
(eta ez dena) desberdintzea
eszenatokian jartzen dudana
eta benetan naizena
ez dakit aktore ona izatea den
agian ikusle txarra edo galdutako zuzendaria
biluztu ondoren zer den gelditzen dena
Suscribirse a:
Entradas (Atom)