Denborak ingurua nola aldatu duen ikusi gabe
jadanik ahaztu dugu elkarren aurka jarri gintuzten arrazoiak. Baina ez dugu
ahaztu elkarren kontra gaudenik, bizirik mantentzen gaituen arrazoi bakarra
hori balitz bezala.
_____________
Bapatean izan bada ez naiz ohartu. Edo
pixkanaka galdu al dira hilezkorrak ziruditen promesak? Eguzkia egunero ikusi
dut ateratzen, baina nigandik atera dena ezin izan dut ikusi.
_____________
Hainbeste aldiz zabaldutako ilusioak, xamurtasun
momentuak, ametsak, une epelak… Ez naute oroitzapenek suntsitzen, usaindu
gabeko goizak, ikusi gabeko koloreak, entzun gabeko barreak, jaso gabeko
besarkadak dira pixkanaka amildegirantz naramatenak
____________
Laboaren galdera buruan: Txinako Harresia
bukatu zen iluntzean: nora jo zuten harginek?
_____________
Noizbait itxoiteko esan bazenit, zure ahoak
itzuliko zinela xuxurlatu izan banindu edo inoiz entzun izango banitu
beharrezkoak nituen promesa hilezkorrak itxoiten jarraitzeko motiboak izango
nituzke. Horrelakorik ez dut izan, baina ezin dut itxoiten jarraitu besterik
egin.
_____________
Lasterregi dator egunsentia, lasterregi
egunero bezala. Badakidalako gehiago ez dudala ikusiko zein ederra zaren esnatzen
zarenean.
_______________
Hareak zerumugan egiten dituen irudiak ikusi
al ditudan bitartean heriotzaren axolagabekeriak ez nau irentsiko.
_______________
Orduan zure presentziak larri eta itota
sentiarazten ninduen antzera, gaur zu gabeko betierak sentiarazten nau larri
eta itota.
___________
Koloreak gorputzetan islatzen dituzten artistak,
bizitzaz bete nahi izan dutena apur bat gehiago itzaltzea lortu dutela jakin
izango balute, saiatuko ziren berriz ere egiten?
___________
Santuario ilun bat bailitzan, hautsaren azpian
guztia desagertzen joan den bitartean, arnasa gero eta ahulago nabari da. Baina
arnasa azken finean, izan denak mantentzen du bizirik.
______________
___________
______________
Betirako maiteko ninduzula esan zenidan,
elkarrekin zahartuko ginela. Baina besarkada hura izan zen betirako iraungo
zuena, besterik ez.
_____________
Gau eta egun begia zabalik, denborak zure
inguruan marrazten dituen zirkuluak dira
behin eta berriz errutina agonikoa.
___________
Izan nintzenak erretzen nau. Haizeak eta
euriak buzti, apurtu, suntsi nazala. Iraganera behin eta berriz itzuliz ezin
baitaiteke bizi.
