Hire enborraren barruan sartzea nahi
niken,
setiatu egingo haut, une aproposenaren
zain
azal zimur eta gogor hori zeharkatzeko
hire noranzko guztietan leun hedatu
beharra sentitzen dinat
hire izerdia barrutik dastatu, hire
koloreak nire azalean begiratu
zulatu ezin daitekeena zulatuz
sustraien erakarpen indarra somatzen
dinat aspalditik
etengabe deika, gerturatzeko eskatuz,
barrura sartzeko
eta laztan luze bat bezala,
hostoetaraino iritsi
haizeak nola mugitzen hauen nabaritzeko
hire izate osoan barrendu, nire jaiotza
berri bat balitz bezala
zulatu ezin daitekeena zulatuz
No hay comentarios:
Publicar un comentario